Tgi che vul entrar en la baselgia evangelica refurmada dal Grischun communitgescha sia intenziun en scrit a la suprastanza dal cumin-baselgia da ses lieu da domicil.
La plevonessa u il plevon sa metta en contact cun Vus e prepara la recepziun cun in discurs u ina scolaziun. La recepziun succeda entras il plevon avant represchentants da la suprastanza dal cumin-baselgia u en in servetsch divin ordinari.
Sortida da la baselgia
Tgi che vul sortir da la baselgia evangelica chantunala communitgescha sia intenziun en scrit a la suprastanza dal cumin-baselgia da ses lieu da domicil.
Persunas ch’èn sortidas da la baselgia perdan il dretg da far diever da servetschs da la baselgia evangelica chantunala. Igl è pussaivel da tut temp d’entrar puspè en la baselgia.
