Tut tenor il giavisch cumpiglia nossa cussegliaziun in discurs clerifitgant u plirs discurs en intervals regulars
Nus discutain la situaziun ed elavurain communablamain vias pussaivlas
Nus essan obligads a la discreziun
Nus avain experientscha sin quest sectur e disponin da las enconuschientschas professiunalas necessarias
Nus As cussegliain independentamain da Vossa confessiun
Tge che Vus na pudais betg spetgar da nus:
Nus n'intermediain nagins partenaris u partenarias
Per dumondas giuridicas stuais Vus As drizzar ad in'advocata u in advocat
Nus na faschain naginas mediaziuns
En cas da dumondas finanzialas As drizzai per plaschair als servetschs socials ecclesiastics u regiunals
Tge che nus spetgain da Vus
La prontadad da sa laschar en sin in process
Ina tenuta averta vers novs puntgs da vista
Custs
L'emprim discurs è gratuit. Suenter dumandain nus ina contribuziun adattada a las entradas ed a la grondezza da la famiglia
Purtaders
Il post da cussegliaziun per dumondas da vita e da partenadi è in'ovra communabla da la baselgia evangelica refurmada e dal chantun Grischun. Il chantun paja ina contribuziun annuala als custs da gestiun
Il post è independent; las persunas spezialisadas èn obligadas unicamain a lur chapientscha professiunala da cussegliaziun e terapia
Thomas Mory Plevon ad Igis-Landquart (a temp parzial). El ha fatg ina scolaziun supplementara en psicologia individuala a l'Institut Alfred Adler a Turitg.
Angelika Müller Jakober Ella ha fatg ina scolaziun supplementara en psicologia da la furma a l'Institut Fritz Pearls en Germania.
Markus Schärer Annada 1959. Lavura parzialmain sco reverenda a Schlarigna. Tranter auter ha el absolvì ina scolaziun supplementara da la Societad sistemic-pastorala tar prof. Ch. Morgenthaler a l'Universitad da Berna.
